Hal-hazırda yaşadığımız 2020-ci ilin noyabr ayında bir-birinin ardınca müjdəli xəbərlər almaqdayıq. Bu ay ərzində 28 illik həsrətdən sonra şanlı ordumuz Azərbaycanın qədim mədəniyyət beşiyi Şuşa şəhərini işğaldan azad edi və özünün döyüşdə tam şəkildə darmadağın olunacağını hiss edən düşmən, kapitulyasiya haqqında sənəd imzaladı. Sənədə əsasən düşmən ordusu noyabr ayının 15-nə qədər Kəlbəcəri, 20-nə qədər Ağdamı Azərbaycana təhvil verməli idi. Düşmən tərəfi Kəlbəcərdən çəkilməyin qısa müddətdə çətin olacağını bildirərək vaxtın daha 10 gün uzadılmasını xahiş etdi. Baxmayaraq ki, vaxtilə dinc əhalimizə qarşı mənfur düşmən belə imkanı tanımamışdı, biz yenə də humanizm prinsiplərindən çıxış edərək, düşmənə bu imkanı da tanıdıq və Kəlbəcər ərazisindən çıxmaları üçün onlara daha 10 gün əlvə vaxt verdik. Düşmən tərəfi 20 noyabrda Ağdamı, 25-də isə Kəlbəcəri Azərbaycan tərəfinə təhvil verdi. Beləcə heç bir qan tökülmədən Ağdam və Kəlbəcər rayonları Azərbaycan Respublikasının Prezidenti, Ali Baş Komandanın cənab İlham Heydər oğlu Əliyevin məqsədyönlü və ağıllı siyasəti nəticəsində düşmən tapdağından azad edildi. Bu böyük qələbə idi.​ ​idi. Kəlbəcər rayonunun düşmən tapdağından azad edilməsi ölkəmiz üçün böyük strateji əhəmiyyətə malikdir. Belə ki, düşmən ölkə ilə sərhədlərimizin böyük bir hissəsi məhz Kəlbəcər rayonu ərazisindədir. Digər tərəfdən isə Kəlbəcər rayonu özünün əsrarəngiz təbiəti ilə bərabər həm də təbii sərvətlərlə zəngindir ki, bu da ölkə iqtisadiyyatına yaxın illərdə öz töhfəsini verəcəkdir.​ ​Kəlbəcər rayonu ərazisində yerləşən, uzun illər murdar düşmən tərəfindən talan edilən Zod qızıl yatağı iqtisadiyyatımız üçün böyük fayda verəcəkdir. Hər ton filizdən əldə edilən qızılın miqdarına görə bu yataq dünyanın ən zəngin yataqlarından hesab olunur. Kəlbəcər torpağı eyni zamanda digər faydalı qazıntı ehtiyyatları ilə də zəngindir.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ Kəlbəcərdə böyük müalicəvi əhəmiyyətə malik olan, dünyada analoqu olmayan məşhur "İsti su" qeyzer suları da mövcuddur. Bu suların möcüzəvi xarakter daşımasından danışmaqla bitməz. İsti su mədə-bağırsaq, müxtəlif yel xəstəlikləri və digər bir çox xəstəliklərin müalicəsində əvəzsiz effektə malikdir.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​         Ölkə Prezidenti cənab İlham Əliyev Kəlbəcərin qansız-qadasız mənfur düşməndən azad edlməsi münasibətilə Azərbaycan xalqını təbrik edərkən diqqəti bir daha bu hadisənin ölkəmiz üçün nə qədər əhəmiyyətli bir hal olduğunun üzərinə çəkdi. Kəlbəcər təkcə özünün analoqu olmayan təbii sərvətləri ilə deyil, həm də ərazisinin böyüklüyünə görə də fərqlənir. Kəlbəcər rayonu ərazisinə görə respublikamızın ən böyük rayonu olduğu üçün də, onu düşməndən azad edilməsi böyük strateji yükə malikdir. Bu böyük qələbənin, ümumiyyətlə sözlə ifadəsi olduqca çətindir. Yaşasın Azərbaycan!​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ Qarabağ Azərbaycandır! ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​Ziya Əliyev, ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ Xocalı rayon sakini